كل ما نتقدم خطوة نص ل احمد عبد الحق

كل ما تتقدم خطوة
الف خطوه يرجعوك
ميعرفوش انك وطن
وانك سكن
وانك الامن والامان
لو مره يفهموك
مره يطلعوك سابع سما
وفي كدبه واحده
وبسكينه بارده
ميه الف مره يدبحوك
قوم يامحمد شوف امتك
حرفوا القران والله
وباعوا للشيطان سنتك
اتحدوا علي قتل الوطن
باعوا الحمايه والسكن
عاشوا في نار الكافرين
في الاصل
مش قابلهم جنتك
يانبينا فين دعوتك
وانت ياربي برحمتك
ارحم كل من وحدك
وانزل عليهم لعنتك
بحبك ياوطن
ومهما قالوا وزادوا
وعادوا
الحق باقي باقي
طول مافيه فجر
لازم يطلع في ميعاده
وكل مايموت شهيد
يتزرع فيك يامصر
كل يوم مارد جديد
ايمان اكيد
ياامه محمد
ياصلاح الدين
وانت يا ابن الوليد
وانت يابلال
اذن اذانك من جديد
جمع قلوبنا المؤمنه
بلغ رسالتك الموحده
لا اله الا هو
واحنا في الاخرعبيد
بحبك ياوطن
مهما ضحكوا وقالوا عنك
مش هصدق
مهما كدبوا وغاروا منك
قلبي اصدق
اصل بس لو مره
حاولوا يفهموك
حاولوا يعشقوك
مكنش فيهم حد يقدر
بالخيانه يوصفوك
الخلاصه وبامانه
عشان تعيش لازم وطن
والامان معاه امانه
تبقي سكن
وعشان تعيش لازم تمن
وعشان تدفع التمن
اتعلم الاول
يعني ايه كلمه بلد
وعشان يكون عندك ولد
اتعلم تبني له وطن
وفهموه يعني ايه حق البلد
ويعني ايه عشق الوطن
احمدعبدالحق