خايف أهمس للقمر نص عامية للشاعر عبدالرحمن محمد
خايف أهمس للقمر
والنجوم تسمع
فيظهرلي خوفه ويتداره ف كسوفه
ولا يرضى يطلع
وأسهر أنا مشغول وتايه
ويا الحيرانين
ولا عارف أشوفه
العمر مش ممدود والتقل لحدود
طب أنت فين
خليني ف بالك وابعت خيالك يضويلي حلمي
ألازم ف طيفك بالروح أشوفك مش بالعينين
بأنده عليه ليه يا قمر
بتنسي همس السهرنين
ده الليل ملاز كل الأحبة
ونورك يا قمر مصاحب أحلام العاشقين
كل غنوه فيها سيرتك أحلي غنوه
وأنت احلى من كل الأغاني
أنت أسم بينور كلامي
يعني تاج فوق المعاني
عنيك دنيا حلمت بيها أحيا فيها
دوبت فيها سنين وأنا واقف مكاني
دنيا تانيه زى جنه
بلقي فيها كل الأماني
حتي سنين عمري اللي عدت
حاسس إنها رجعتلي تاني
يعني عمري أبتدا من يوم م شفتك
صبحت راوي
ب أروي ع الربابة بس سيرتك
بقول حكاوي بالغناوي
بقيت طواف مليش بلد ولا حتى خيمه
هوي الشوق فرشتي
والغطا يدوب بس غيمه
لكني مش عايز أكون
ليكي ضحية
أعيش أصة ياسين وأنت بهيه
نفس الحكاية هي هي
م اهو عاشق وغاوى
أو أكون حسن وأنت نعيمه
وأموت بقى ملقيش كفن
ولا ليه قيمه
غير ف أغاني العاشقين أو فلم سيما
ومفيش غير أسم وأفيش
يدورو بيه ع القهاوي
........
ـ عبدالرحمن محمد ـ
تعليقات
إرسال تعليق