أحدهم مر من هنا نص للمبدع رامي بحري
أحدهم مر من هنا
تقريباً منذ سنة
لم نلتفت حينها
وكأنه لا يهمنا
أحدهم كان لنا حبيب
ولم يعد بيننا
ومرت شهور وشهور
ومنستكيش
ياعالية فوق جدار النور
ياأجمل ذكرى
بيكي بعيش
ياأمي وروحي وحبيبتي
ياطير طاير بأجمل ريش
ياعايشة ف قلبي
فين مابروح
ياساكنة في حنايا الروح
حروف أسمك على لساني
مبتفوتنيش
من بعدك بقيت مكسور
بقى بيني وبينك سور
لكن صورتك
مفرقتنيش
أنا بيكي
أنا الضحكة اللي كانت طايرة حواليكي
ومن غيرك لقيتني مفيش
مجرد حبر ف قصيدة معدش يفيد
كلام فاضي
وبتألم وإحساس الوجع بيزيد
وأنتي بعيد
وأقول راضي
وأقول بكرة الحياة تمشي
مبتمشيش
منستكيش
أحدهم مر من هنا
أحدهم كان
كأنه أنا
#نصفي_الاخر
تعليقات
إرسال تعليق